یوم آزادی پر درگاہ اجمیر شریف میں ترنگا تقسیم پروگرام

اجمیر شریف میں جنت ویلفیئر ٹرسٹ کی جانب سے لوگوں میں ترنگا تقسیم کیا گیا۔

راجستھان کے ضلع اجمیر شہر میں یوم آزادی کے موقع پر جنت ویلفیئر ٹرسٹ کی جانب سے ترنگا ریلی کے بجائے رواں برس لوگوں کے درمیان ترنگا تقسیم کیا گیا۔

آپ کو بتادیں کہ' ہر برس یوم جمہوریہ اور یوم آزادی کے موقع پر جنت ویلفیئر ٹرسٹ کے ذریعہ ترنگا ریلی کا اہتمام کیا جاتا تھا لیکن رواں برس کورونا وائرس کے خدشات کے پیش نظر ٹرسٹ کی جانب سے لوگوں کے درمیان ترنگا تقسیم کیا گیا۔

اس موقع پر جنّت ویلفیئر ٹرسٹ کے چیئرمین حاجی محمود خان نے بتایا کہ' سلطان الہند حضرت خواجہ غریب نواز کی درگاہ کے صدر دروازہ کے باہر درگاہ بازار میں حب الوطنی کے نعروں کے ساتھ عوام کو ترنگا جھنڈا تقسیم کیا گیا اس پروگرام میں مسلم نوجوانوں اور سماجی کارکنان نے بڑھ چڑھ کر حصہ لیا'۔