ریاست راجستھان کے شہر اجمیر شریف میں کانگریس پارٹی کی سیاست میں اہم رول ادا کرنے والے اور گاندھی فیملی سے بے حد نزدیکی رہنے والے مرحوم احمد پٹیل کے فرزند فیصل پٹیل نے اجمیر شریف درگاہ میں حاضری دی۔
اس موقع پر فیصل پٹیل نے اپنے قریبی رشتہ داروں کے ساتھ صوفی حضرت خواجہ معین الدین حسن چشتیؓ کی مزار پر عقیدت کی چادر پیش کی اور گل پوشی بھی کی۔
خواجہ صاحب کے آستانے شریف میں فیصل نے اپنے خاندان کی سلامتی اور والد احمد پٹیل کے لیے خاص دعائیں کیں۔
درگاہ شریف میں خادموں کی انجمن سید زادگان کے سیکریٹری سید واحد حسین انگارہ شاہ نے فیصل پٹیل اور ان کے ساتھیوں کو زیارت کرائی اور دستار بندی کرکے دربار کا تبرک پیش کیا۔
درگاہ میں حاضری کے بعد فیصل پٹیل نے جامع مسجد شاہجہانی میں نماز ادا کی۔
واضح رہے کہ اس درمیان انہوں نے میڈیا سے گفتگو کرنے سے بھی انکار کردیا اور کہا کہ یہ ان کا ذاتی اور مذہبی دورہ ہے، جس کے تحت وہ خواجہ صاحب کی بارگاہ میں حاضری کے مقصد سے آئے ہیں۔
فیصل پٹیل کی درگاہ زیارت کے دوران کچھ مقامی کانگریسی رہنماؤں ان سے ملاقات بھی کی۔
