راجستھان کے بھیلواڑا شہر کے شاہ پورہ قصبے کے رہائشی تیرہ سالہ نویں کلاس کے ایک طالب علم ادویک شرما اپنے خیالات کو مختلف رنگوں کے ذریعے دوسروں کے ساتھ شیئر کر رہے ہیں۔
لاک ڈاؤن نے اس بچے کی زندگی کو ایک آرٹسٹ کی شکل دے دی ہے۔ شاہ پورہ قصبہ کی آئی پی ایس اسکول کے نویں کلاس کا یہ طالب علم مصوری کے معاملے میں اپنی الگ شناخت رکھتا ہے۔
ادویک شرما مختلف فنکارانہ صلاحیت رکھتے ہیں۔ یہ نہ صرف کینوس پر اپنے خیالات کو رنگوں کے ذریعہ پیش کرتے ہیں، بلکہ دوستوں اور رشتہ داروں کو بھی اپنی پینٹنگ بنا کر دیتے ہیں۔
لاک ڈاؤن کے دوران ادویک شرما ایک بہترین فنکار کے طور پر ابھرے ہیں، ان کی بہت سی پینٹنگز ایسی ہے کہ دیکھنے والے حیرت زدہ رہ جاتے ہیں۔ انہوں نے مہاتما گاندھی،کرکٹر ویراٹ کوہلی، فلمی اداکار ٹائیگر شراف اور سائیں بابا کی خوبصورت پینٹنگز بنائی ہے۔
گزشتہ لاک ڈاؤن میں ادویک شرما نے چار پرت گریفائٹ ورک، برادر اسکیچ، حقیقت پسندانہ آرٹ ورک، شیڈنگ آرٹ ورک، پنسل آرٹ ورک سے سب کا دل جیت لیا ہے۔
گرچہ ادویک شرما کو اپنے اس فن میں مزید مہارت حاصل کرنے کے لیے اپنے کنبے کی مکمل حمایت حاصل نہیں رہی، لیکن مصوری کا یہ شوق ان کے نانا ماموں اور خالہ ورشا پاراشر سے انہیں ملا ہے۔
