ریاست راجستھان کے شہر اجمیر میں گزشتہ پانچ دنوں میں تین خواتین کے قتل سے بھارتی جنتا پارٹی کی خواتین ونگ میں ناراضگی پائی جارہی ہے۔
بی جے پی خواتین ونگ کی متعدد کارکن ضلع کلکٹر آفس پہنچ کر شہر میں ہونے والے مجرمانہ واقعات کے خلاف اپنی آواز بلند کی اور ضلع کلکٹر اور ایس پی کو ایک میمورنڈم بھی پیش کیا جس میں مجرموں کو جلد از جلد گرفتاری اور سخت سزا دینے کا مطالبہ کیا ہے۔
بی جے پی خواتین ونگ نے کہا کہ راجستھان میں گہلوت کے اقتدار میں آنے کے بعد سے خواتین محفوظ نہیں ہیں، جس کا ثبوت اجمیر میں گزشتہ پانچ دنوں میں تین خواتین کا قتل ہے۔
بی جے پی مہیلا مورچہ کی سٹی صدر نے الزام لگایا کہ ضلعی پولیس جرائم روکنے اور مجرموں میں خوف و ڈر پیدا کرنے میں ناکام رہی ہے، یہی وجہ ہے کہ اب تک پولیس نے تینون خواتین کے قتل کے ملزمین کو گرفتار نہیں کرپائی ہے۔ ایسی صورتحال میں شہر کی خواتین غیر محفوظ محسوس کررہی ہیں۔
