شاہنواز حسین خواجہ غریب نواز کے عرس کے پہلے روز درگاہ پر حاضری دینے پہنچے، جہاں ان کے ساتھ مقامی بی جے پی رہنما بھی موجود تھے۔ سید شاہنواز دوپہر کے وقت خواجہ صاحب کے دربار میں حاضری دینے پہنچے جن کی حفاظت کے لیے پولیس کے سخت انتظامات کیے گئے تھے۔
شاہنواز حسین نے درگاہ کی زیارت کے بعد میڈیا کے نمائندوں سے بتایا کہ 'وہ اجمیر شریف خواجہ صاحب کا شکرانہ ادا کرنے پہنچے ہیں اور ساتھ ہی اب وہ بہار کی چودہ کروڑ عوام کی خدمت کی نیت سے ہر ممکن عمل انجام دیں گے'۔
مزید پڑھیں: راجستھان میں کورونا کے 110 نئے کیسز، ایک مریض کی موت
شاہنواز حسین نے وزیر اعظم نریندر مودی امت شاہ اور بہار کے وزیر اعلیٰ نتیش کمار کا بہار کی ذمہ داری سونپے جانے پر شکریہ ادا کیا۔ سید شاہنواز حسین اور ان کے ساتھ آئے تمام مہمانوں کو درگاہ کی زیارت شیخ دولت علی نے کرائی اور دستار بندی کے بعد دربار کا تبرک پیش کیا، اس موقع پر انجمن شیخ زادگان کے صدر اور سیکریٹری احتشام چشتی موجود رہے۔
