جموں کشمیر میں عسکریت پسندی کے خاتمے کے لیے اب اکھل بھارتیہ سجادہ نشین پریشد صوفی ازم کے معرفت نوجوانوں کو اپنے ساتھ جوڑے گا۔ اس سلسلے میں اجمیر شریف درگاہ دیوان کے بیٹے اور پریشد کے صدر سید نصیر الدین چشتی نے مرکزی وزیر داخلہ امیت شاہ سے ملاقات کی۔
اس دوران نصیر الدین چشتی نے امیت شاہ سے کشمیر کی صورتحال پر تبادلہ خیال کیا اور صوفی نظریات کے نوجوانوں کی ایک ٹیم بنانے کی پیشکش کی۔ چشتی کے مطابق وزیر داخلہ امیت شاہ سے گفتگو میں کئی اہم ترین مسئلے پر بات چیت بھی ہوئی۔
امیت شاہ سے میٹنگ کے بعد چشتی نے کہا کہ کشمیر میں صوفی ازم کی تبلیغ کے ساتھ ساتھ کشمیری نوجوانوں کی ایک ٹیم بنائی جائے گی۔
پریشد کے صدر چشتی نے کہا کہ صوفی ازم ٹیم بنانے کے لئے مرکزی حکومت کے ساتھ ملک کی تمام درگاہوں کے سجادہ نشین ہمیشہ ساتھ کھڑے رہیں گے۔
