'سی اے اے ملک کو توڑنے والا قانون ہے'

گجرات اسمبلی میں سی اے اے کی حمایت میں ایک بل منظور کر لیا گیا ہے۔ ریاست بھر میں دفعہ 144 نافذ کر دی گئی ہے۔ اس پر ویلفر پارٹی آف انڈیا گجرات کے صدر اکرام بیگ مرزا نے کہا کہ سی اے اے کے تعلق سے حمایتی بل لانے والی گجرات پہلی ریاست ہے۔

اکرا بیگ مرزا نے کہا کہ دوسری ریاستیں سی اے اے کے خلاف بل منظور کر رہی ہیں تو انہیں دکھانے کے لیے گجرات اسمبلی میں حمایتی بل لایا گیا۔ انہوں نے کہا کہ اس قانون سے لوگوں میں تفریق پیدا ہو رہا ہے۔ یہ ملک کو توڑنے والا قانون ہے۔ یہ قانون آئین کے خلاف ہے۔

اکرام بیگ مرزا نے گجرات میں نافذ کی گئی 144 کی دفعہ کے تعلق سے کہا کہ جب سے بی جے پی کی حکومت آئی ہے تب سے لوگ ناراضگی کا اظہار نہیں کر پا رہے ہیں۔

ان کا کہنا تھا کہ لوگ مظاہرے، احتجاج اور حکومت کی غلط پالیسیوں کے خلاف کچھ بول نہ سکیں اس لیے دفعہ 144 نافذ کی گئی ہے اور گجرات میں ایسا اکثر ہوتا رہتا ہے۔