ریاست گجرات کے دارالحکومت احمد آباد میں سنی مسلم وقف کمیٹی نے شب برأت کے موقع پر قبرستان نہ جانے اور گھر میں ہی عبادت کرنے کی اپیل کی ہے۔
اس کے علاوہ مختلف علاقوں کی مساجد سے بھی اعلان کیا گیا ہے کہ لوگ شب برات کے موقع پر قبرستان نہ جائیں بلکہ اپنے اپنے گھروں میں ہی نماز اور دعا کا اہتمام کریں۔
تاہم رات میں مسجد میں نہیں بلکہ کچھ جگہوں پر اذان کی طرح اسپیکر سے ہی نماز ادا کی جائی گی اور لوگ آواز سن کر اپنے گھروں میں نماز ادا کرسکیں گے۔
احمد آباد کے علاقے کالو پور، دریا پور اور ڈنیلیمڈا میں کورونا کیسز زیادہ ہیں اور انہیں کورنٹین کیا گیا یے۔
واضح رہے کہ شب برأت کی کافی اہمیت اور فضیلت احادیث میں بیان کی گئی ہے جس کی وجہ سے شعبان کی پندرہویں رات کو خاص طور سے استغفار، تلاوت قرآن اور نماز کا اہتمام کیا جاتا ہے۔
