لوگوں کا کہنا ہے کہ گجرات وقف بورڈ کی نئی بوڈی کی تشکیل ہونے کے بعد وقف املاک کے مسائل تیزی سے حل ہو رہے ہیں۔ لوگوں کا یہ بھی کہنا ہےکہ ٹرسٹیوں کی پریشانیاں اور الجھنیں دور کرنے کے لئے گجرات وقف بورڈ نے ہر ضلع میں وقف بورڈ میٹنگ کا اہتمام کرنا بھی شروع کر دیا ہے۔
اس تعلق سے گجرات وقف بورڈ کے چیرمین سجاد ہیرا نے ای ٹی وی بھارت کے نمائندہ سے کہا کہ 'وقف بوڈی وقف ایکٹ کے مطابق کام کرتی ہے۔ نئی بوڈی نئی ٹیکنک کے ساتھ وقف مسائل کو حل کرنے کا کام کر رہی ہے'۔
گجرات وقف بورڈ کے چیرمین سجاد ہیرا نے مزید بتایا کہ 'ہر دو ماہ میں ہم ایک ضلع میں جاکر وہاں کے ٹرسٹیوں اور مقامی لوگوں کے ساتھ میٹنگ کرتے ہیں، جس سے باہری اضلاع سے لوگوں کو گاندھی نگر آنے جانے کا خرچ اور وقت بھی بچتا ہے اور لوگوں کے کام آسانی سے ہو جاتے ہیں'۔
گجرات وقف بورڈ کی سرگرمیوں پر مدھیہ گجرات مسلم سیوا سماج کے صدر کریم ملک نے کہا کہ 'گجرات وقف بورڈ کی بوڈی اچھا کام کر رہی ہے کیونکہ گجرات وقف بورڈ کے چیرمین سجاد ہیرا کے پاس کوئی بھی شخص اپنا مسئلہ لے کر باآسانی جا کر اپنی درخواست اور گذارش بھی کر سکتا ہے۔ وہ سبھی کی بات سن کر اس مسئلے کو جلد از جلد حل کرتے ہیں'۔
گجرات وقف بورڈ کی جانب سے کہا گیا ہے کہ وقف املاک کے ساتھ ہو رہی بدعنوانی کو دور کرنے کے لئے بورڈ مسلسل کوشاں نظر آرہی ہے۔ اب دیکھنا یہ ہے کہ آنے والے دنوں میں گجرات وقف بورڈ ایسے بدعنوانی کرنے والوں کے خلاف کس طرح کا قدم اٹھاتی ہے۔
