مولانا محمد ارشد ندوی نے بتایا کہ آج آل انڈیا علماء بورڈ نے نیشنل ہارمنی کانفرنس کا اہتمام احمدآباد میں کیا جس کا مقصد قومی یکجہتی کو فروغ دینا ہے۔ آل انڈیا علماء بورڈ ملک کے کونے کونے میں یہ پیغام دینا چاہتی ہے کہ بھارت نفرت سے نہیں چلے گا، محبت سے چلے گا۔ اس پیغام کو دینے کے لیے اگر مجھے ہندوستان کے کسی بھی کونے تک جانا پڑے تو میں جاؤں گا اور ہندوستان کے پرچم کو کبھی جھکنے نہیں دوں گا۔
اسی عزم کو لے کر پورے ہندوستان میں ہم لوگوں کا دورہ ہوتا ہے اور اسی کے تحت کافی پروگرام ہم لوگ کرتے ہیں۔ اور آئندہ دنوں بہار کی طرح گجرات میں بھی ہسپتال اور اسکول آل انڈیا علماء بورڈ کی جانب سے قائم کی جائے گی۔
یہ بھی پڑھیں:
Conference on Global Terrorism in Delhi: عالمی دہشت گردی بمقابلہ انسانیت کانفرنس
وہیں اس پروگرام میں شرکت کرنے والے بی جے پی لیڈر ڈاکٹر ظہیر احمد خان نے کہا کہ آل انڈیا علماء بورڈ نے اچھا کام شروع کیا ہے۔ یہ ملک کی ترقی میں بہت بڑا قدم ہے۔ اگر آل انڈیا علماء بورڈ نیشنل ہارمنی سے ملک کی 30 فیصد آبادی خاص طور سے مسلمانوں کے لیے ایجوکیشن اور ہیلتھ کو مین اسٹریم سے جوڑتا ہے تو ملک کی مزید ترقی ہوگی۔
وہیں اس پروگرام میں آئے جمال پور علاقے کے رکن اسمبلی عمران کھیڑا والا نے کہا کہ کورونا کے دور میں میں نے جو خدمات انجام دی تھی اس پر مولانا آزاد ایوارڈ سے نوازا گیا لیکن میں یہ ایوارڈ میرے گجرات کے تمام کورونا واریئرس کے نام کرتا ہوں۔
