ریاست گجرات کے دارالحکومت احمدآباد کی شاہی جامع مسجد کے امام مفتی شبیر احمد صدیقی Mufti Shabbir Ahmad Siddiqi نے بتایا کہ ہمارا ملک ایک جمہوری ملک Democratic country ہے اور یہاں جمہوریت قوانین عمل میں ہے اس ملک کے قوانین نے ہر مذہب والوں کو اپنے مذہب کے مطابق عمل کرنے کی اجازت دی ہے،اس لئے جو لوگ آج حجاب پر پابندی لگانے کی بات کر رہے ہیں یا پابندی لگا رہے ہیں وہ جمہوریت کے خلاف ہے ایسے میں ہم سپریم کورٹ سے مطالبہ کرتے ہیں کہ یہ ملک ایک جمہوری ملک ہے اس ملک میں جمہوری قانون عمل میں ہے اور حجاب ہمارا حق ہے اسے ہم سے نہ چھینا جائے کیونکہ پردہ اسلامی خواتین پر اسلام کی روشنی میں فرض ہے جس طرح سے نماز فرض ہے اسی طرح سے پر پردہ کرنا فرض ہے۔
انہوں نے کہا کہ جہاں جہاں بی جے پی کی حکومت ہے وہاں دیکھا دیکھی ہو سکتی ہے اور ملک کی دوسری ریاستوں میں بھی حجاب پر پابندی لگائی جا سکتی ہے اس لیے میرا حکومت سے یہ مطالبہ ہے کہ اس مسئلے کو سیاسی نہ بنائیں بلکہ یہ ایک مسلمانوں کا شرعی و دینی مسئلہ ہے لہذٰا سیاسی فائدہ اٹھانے کے لئے اگر کوئی پارٹی اس مسئلے کو اٹھاتی ہے تو ہم اس سے بے زاری کا اظہار کرتے ہیں۔
اس وقت ہندوستان میں صرف اور صرف مسلمانوں کو نہیں بلکہ اسلام کو ٹارگٹ کیا جارہا ہے اس پہلے تین طلاق کا قانون بنایا گیا۔ جو شریعت کے خلاف تھا اور اب حجاب پر پابندی لگانے کی بات کی جارہی ہے۔
