احمدآباد میونسپل کارپوریشن کے ذریعے بارہ برس سے کانکریہ کارنیوال کا انعقاد مسلسل کیا جارہا ہے۔
اطلاع کے مطابق یہ کانکریہ کارنیوال احمد آباد کا سب سے قدیم مشہور اور تاریخی کارنیوال ہے۔
اس کارنیوال کے پرکشش منظر سے لطف اندوز ہونےملک بھر سے لوگ پہنچتے ہیں، اس موقع پر لوگوں نے نئے سال کی مبارکباد بھی پیش کی۔
25 دسمبر تا 31 دسمبر تک ہر برس کانکریہ میں ایک سے بڑھ کر ایک پروگرام کیے جاتے ہیں اور عوامی دلچسپی کے لیے ہر طرح کے انتظامات بھی کیے جاتے ہیں۔
لوگوں کو کانکریہ سے لطف اندوز کرانے کے لیے سب سے زیادہ ایل ای ڈی لائٹ مختلف جھولے اور مختلف پروگرام کے ساتھ ساتھ کانکریہ گھومنے کے لئے اٹل ایکسپریس ٹرین کا بھی انتظام کیا گیا ہے، جس میں بیٹھ کر لوگوں نے اس کانکریہ کارنیوال کی سیر کر کے نئے سال کا جشن منایا۔
اس دوران لاکھوں کی تعداد لوگوں نے شرکت کی ایک سے بڑھ کر ایک فنکاروں نے اپنے پرفارمنس دئے، کبھی عثمان میر، گیتا رباری، سائیں رام دوے تو کبھی مختلف اسکول کے بچوں نے اپنے فن کا مظاہرہ کیا۔
اس موقع پر ای ٹی وی بھارت سے بات کرتے ہوئے ہوئے اسکول کے طلبا نے کہا کہ انہیں بہت خوشی ہے کہ انہیں کانکریہ کارنیوال میں پرفارمنس کرنے کا موقع ملا تاہم ان بچوں کی پرفارمنس نے ہر دل کو چھو لیا۔
اس کانکریہ کی وجہ سے پورا احمدآباد خوشی سے جھومتا نظر آیا۔کبھی گربا تو کبھی مختلف گانوں پر اسکول کے طلباء کا ڈانس دیکھ لوگ بھی جھوم اٹھے۔
مزید پڑھیں: سنہ 2019 کیسا رہا؟
احمد آباد کی آن بان شان کانکریہ کارنیوال میں لوگوں نے سنہ 2019 کو الوداع کہہ کر نئے سال کی مبارکبادی پیش کی۔
