ماہ رمضان کے تعلق سے جمعیت علمائے ہند احمدآباد کے سکریٹری قاری محبوب الرحمن قاسمی میں نے عوام سے خصوصی اپیل کرتے ہوئے کہا کہ رمضان المبارک روزے اور صبر کا مہینہ ہے، اللہ کو راضی کرنے والے اس ماہ کی ہم سب قدر کریں، اس ماہ مبارک میں غریبوں، بے بسوں اور پڑوسیوں کا خیال رکھا جانا چاہیے، اور ان کی مدد کرنی چاہیے۔
تاہم ہم کرونا جیسی مہلک وبا سے بچاو کے لیے جاری کر دہ حکومت کی گائیڈ لائن پر مکمل عمل کریں دوریاں بنائے رکھیں، اپنے گھروں میں رہ کر ہی عبادت کریں، اور گھروں کو ہی مسجد بنائیں۔ نماز تراویح کا اہتما بھی گھر پر ہی کریں'۔
انہوں نے مزید کہا کہ کورونا وائرس کی وجہ سے پوری دنیا تھم گئی ہے اس لیے اللہ کو راضی کریں اور دعائیں کریں کہ دنیا سے اس وائرس کا خاتمہ ہو جائے۔
انہوں نے کورونا وائرس کے خطرات کے دوران بھی اپنے فرائض انجام دینے والے ڈاکٹروں اور پولیس اہلکاروں کو مبارکباد پیش کیا، اور کہا کہ اس لڑائی میں ہم متحد ہیں اور ہمیں اسے شکست دینا ہے، احتیاط اور سمجھداری کے ساتھ اس کورونا وائرس سے بچیں۔
