احمدآباد شہر میں ایک بھی وارڈ گرین زون میں شامل نہیں

ریاست گجرات کے احمد آباد میں کورونا کے تیزی سے پھیلاؤ کی وجہ سے شہر کو دو حصوں میں تقسیم کیا گیا ہے تاہم گرین زون میں ایک بھی وارڈ شامل نہیں۔

گجرات میں کوروناوارئرس کی حالت تشویشناک انداز میں روز بروز بڑھتی جا رہی ہے۔ اس میں سے خاص طور پر احمد آباد میں روزانہ نئے کیس سامنے آرہے ہیں۔

گرین زون میں شہر کا ایک بھی وارڈ شامل نہیں کیا گیا ہے

کورونا کے بڑھتے ہوئے معاملے کو مدنظر رکھتے ہوئے، احمد آباد شہر کو دو حصوں میں تقسیم کیا گیا ہے۔ جس میں 6 وارڈوں کو ریڈ اور 42 وارڈوں کو اورنج زون میں شامل کیا گیا ہے۔ جبکہ گرین زون میں شہر کا ایک بھی وارڈ شامل نہیں کیا گیا ہے۔

احمد آباد میں مجموعی طور پر 2543 کورونا کے مثبت کیس درج ہوئے ہیں۔ کورونا نے شہر کے 7 زونوں میں اپنے پاؤں پھیلائے ہیں۔ ان 7 زونوں میں کل 48 وارڈز ہیں۔ ان میں سے صرف 2 زون میں 1455 فعال معاملات ہیں۔

سنٹرل زون اور ساؤتھ زون کے 6 وارڈوں میں مریضوں کی تعداد زیادہ ہونے کی وجہ سے ان وارڈوں کو ریڈ زون قرار دیا گیا ہے۔

ریڈ زون میں جمال پور کھاڑیا، داریا پور اور وسطی زون میں شاہ پور اور جنوبی زون کے ڈینیلیمڈا اور بہرام پورہ وارڈ شامل ہیں۔ ان وارڈوں میں کچھ دن قبل کرفیو بھی نافذ کردیا گیا تھا۔

شہر کے دیگر 42 وارڈوں میں سے 6 وارڈ سے کم مریض ہونے کی وجہ سے اس وارڈ کو اورینج زون میں شامل کیا گیا ہے جس کے لیے احمد آباد میونسپل کارپوریشن کی جانب سے ایک نقشہ بھی تیار کیا گیا ہے جس میں ایک بھی زون کو گرین زون میں شامل نہیں کیا گیا ہے۔