حبیب شیخ نے اپنے خط میں لکھا تھا کہ احمدآباد کے مسلم محلوں میں ہائی اسکول، لائبریری، ہیلتھ کلینک، مخصوص کالونی نہیں ہے۔ انہوں نے لکھا تھا کہ یہاں اقلیتی امور کی وزارت بھی نہیں ہے۔
انہوں نے اپنے خط میں یہ بھی لکھا تھا کہ ریاست گجرات میں گذشتہ بائیس برس سے بی جے پی کی حکومت ہے اور بی جے پی 'سب کا ساتھ سب کا وکاس' کی بات کرتی ہے۔ ایسے میں حکومت اقلیتی امور کی وزارت کو تشکیل کیوں نہیں دے رہی ہے؟
مسلمانوں کے مسائل
صحافی حبیب شیخ کے اس خط کا وزیر اعلی وجے روپانی نے اب جواب دیا ہے۔ اس خط میں وجے روپانی نے لکھا ہے کہ آپ ان تمام مسائل کے لیے سماجی فلاح و بہبود کے وزیر سے رابطہ کریں۔
حبیب شیخ کے مطابق وہ اس معاملے میں جلد ہی سماجی فلاح و بہبوت کے وزیر سے بات کریں گے۔ انہوں نے کہا کہ اگر پھر بھی ان تمام مسائل کا حل نہیں نکلا تو وہ بڑے پیمانے پر مظارہ کریں گے۔
