احمدآباد میں واقع ایف ڈی ہائی اسکول کی پرنسپل انیسہ شیخ نے کہا کہ 'ہماری اسکول میں اردو اور گجراتی میڈیم کے طلبا پڑھتے ہیں۔ امسال اس اسکول کے 362 طلبا نے دسویں کے امتحان میں شرکت کی تھی جس میں سے 329 طلبا کامیاب ہوئے ہیں اور ریاستی سطح پر اسکول کا نتیجہ 90.88 فیصد رہا جبکہ اردو میں سب سے بہترین رزلٹ 96.6 فیصد درج کیا گیا ہے'۔
اس کے علاوہ دسویں کے امتحانات میں اعلیٰ نمبرات سے کامیابی حاصل کرنے والی طالبات نے کہا کہ 'ہم نے آج ان لائن اپنے نتائج دیکھے۔ ہم بہت خوش ہیں۔ ہماری محنت رنگ لائی اور ہم آگے بھی خوب پڑھائی و محنت کر بڑے عہدے پر فائز ہونا چاہتے ہیں۔ اپنے اسکول و والدین کا نام روشن کرنا چاہتے ہیں'۔
واضح رہے کہ گجرات میں دسویں بوروڈ کے امتحانات 5 مارچ سے 17 مارچ کے درمیان ہوئے تھے۔ ایسے میں امسال دسویں جماعت میں 60.64 فی صد طلبا نے کامیابی حاصل کی ہے۔ گزشتہ سال کے مقابل اس سال 6.19 فیصد کم رزلٹ آیا ہے۔
