ملک کی دیگر ریاستوں مین متاثرین کی تعداد بتدریج کم ہورہی ہے، لیکن گجرات میں متاثرین کی تعداد میں روز بروز اضافہ ہوتا جارہا ہے۔
اتوار کے روز گجرات میں کورونا وائرس کے 374 نئے کیسز درج ہوئے، جس سے ریاست میں متاثرہ افراد کی کل تعداد 5 ہزار428 ہوگئی۔
دوسری طرف ریاست میں مزید آٹھ افراد کی کورونا سے موت ہوئی جس کے نتیجے میں ہلاکتوں کی مجموعی تعداد 290 ہوگئی۔
محکمہ صحت کے جاری کردہ اعداد و شمار کے مطابق ، ریاست میں درج ہوئے نئے 374 کیسز میں سے 274 کیس احمد آباد سے آئے ہیں۔
اس سے احمد آباد میں متاثرہ افراد کی مجموعی تعداد 3ہزار 817 ہوگئی ہے۔ اسی کے ساتھ ہی احمد آباد میں کورونا وائرس کی وجہ سے 208 افراد ہلاک ہوگئے ہیں۔
احمد آباد کے علاوہ وڈوڈرا سورت سے 25-25، مہیسانہ سے 21، مہی ساگر سے 10، بناس کانٹھا سے 7، گاندھی نگر-بوٹاڈ-دیوبھومی دوارکا سے 3-3 اور پاتن داہود -اراولی سے 1-1 کیسز درج ہوئے ہیں۔
جبکہ احمد آباد میں اب تک کے سب سے زیادہ مثبت معاملے دیکھنے میں آئے ہیں، سورت اور وڈوڈرا میں بھی کورونا مریضوں کی تعداد بڑھ رہی ہے۔
اب تک سورت میں 686، وڈوڈرا میں 350، آنند میں 74، گاندھی نگر میں 70، راجکوٹ میں 58، بھاونگر میں 53، پنچ مہال میں 38، بناسکانٹھا میں 36، مہیسانہ میں 32، بوٹاڈ میں 30، پاٹن میں 22 اور اروالی میں 20 کیسز درج ہوئے ہیں
