احمدآباد میونسپل کارپوریشن کے مطابق وہ شخص جس نے کورونا ویکسین کی پہلی ڈوز تو لے لی ہے لیکن دوسری ڈوز لگوانا باقی ہے اور وہ ٹیکہ لگوانے سے گریز کررہے ہیں تو انہیں کارپوریشن کے دفتر، سوئمنگ پول، کانکریا تالاب، بی آر ٹی ایس، اے ایم، ٹی ایس اور دیگر مقامات پر داخل ہونے کی اجازت نہیں دی جائے گی۔
اس تعلق سے معلومات فراہم کرتے ہوئے ہیلتھ آفیسر ڈاکٹر بھاون سولنکی نے کہا کہ کورونا ویکسینیشن مہم احمدآباد میونسپل کارپوریشن چلارہی ہیں۔ اب تک 53 لاکھ ڈوز دیئے جاچکے ہیں جس میں 36.59 لاکھ شہریوں کو پہلی ڈوز اور 16. 44 افراد کو دونوں ڈوز دیئے جاچکے ہیں۔ اب محکمہ کی جانب سے زیادہ سے زیادہ شہریوں کو کورونا سے نجات دلانے کے لیے ویکسین دینے کی کوشش کی جارہی ہے۔
یہ بھی پڑھیں: سفرِ وراثت میں احمدآباد کے تاریخی سرخیز روضہ کا سفر
انہوں نے مزید کہا کہ وہ شہری جو ویکسین کی پہلی یا دوسری ڈوز کے اہل ہیں لیکن انہوں نے ابھی تک ٹیکہ نہیں لگوایا ہے انہیں 20 ستمبر کے بعد احمدآباد میونسپل کارپوریشن کی عمارت میں داخل ہونے نہیں دیا جائے گا، یہی نہیں میونسپل کارپوریشن کے جم، سوئمنگ پول، اربن ہیلتھ سینٹر کانکریا تالاب و دیگر مقامات میں بھی انہیں داخل ہونے کی اجازت نہیں دی جائے گی۔
