گجرات کے احمدآباد میں واقع سابرمتی ریور فرنٹ سے نرمدا ضلع میں کیوڑیا میں واقع دنیا کے سب سے اونچے مجسمے 'اسٹیچو آف یونیٹی' کے لئے شروع ہونے والی سی پلان سروس کے پیش نظر مقامی میونسپل کارپوریشنز نے یہاں سابرمتی ندی میں آبی ہوائی اڈا بنانے کے سلسلے میں 4047 مربع مٹر زمین کے الاٹمنٹ کا کام پورا کرلیا۔
میونسپل کارپوریشن کے ذرائع نے بتایا کہ یہ زمین امبیڈکر پل کے شمال کی طرف پالڈی سروے علاقے میں ہے۔ اسے رسمی طور پر مرکزی شہری ہوابازی کی وزارت کو سونپا جائےگا۔
اس میں کنکریٹ کا بنا پلیٹ فارم لگایا جائےگا۔ وزیراعظم مودی کے پسندیدہ اس سی پلان کی شروعات نجی شعبہ کی فضائی خدمات فراہم کرنے والی کمپنی اسپائس جیٹ کرے گی۔
اس کے آئندہ 31 اکتوبر کو سردار ولبھ بھائی پٹیل کی یوم پیدائش کے موقع پر شروع ہونے کا امکان ہے۔ مودی کے ہی اس کا افتتاح کرنے کا پورا امکان ہے۔
