عادل آباد کے کلکٹرشری دیواسینا نے بتایا کہ ضلع عادل آباد میں مزید 3 کورونا مثبت واقعات کی اطلاع ملی ہے۔
ضلع میں کورونا کیسز کی تعداد 14 ہوگئی ہے۔ کلکٹر نے مشورہ دیا کہ عوام اتھارٹی کے ساتھ تعاون کریں۔ گھروں میں رہیں بغیر کسی ضروری عذر کے باہر نہ نکلیں۔
وبا سے نمٹنےکےلے تلنگانہ حکومت کی جانب سے سخت اقدامات کئے جارہے ہیں۔
ریاست بھر میں تقریباً 160 کلسٹر زونز بنائے گئے ہیں۔وزیر صحت کے مطابق ریاست کے 90 فیصد کیسز کا تعلق گریٹر حیدرآباد حدود سے ہے جبکہ دیہی علاقوں میں وائرس کی شدت کم دیکھی گئی۔
وزیر صحت ای راجندر نے بتایا کہ جملہ 700 کورونا مثبت کیسز میں سے 640 کا تعلق دہلی کے نظام الدین مرکز میں شرکت کے بعد واپس ہونے والے، ان کے رشتہ دار یا ان کے رابطے میں آئے ہوئے افراد ہیں۔
