آسمان چھوتی مہنگائی پر قابو پانے کے لیے اگلے ماہ شرح سود میں زبردست اضافے کے امکان سے مایوس سرمایہ کاروں کی فروخت کی وجہ سے عالمی بازار میں گراوٹ کے دباؤ کے تحت گھریلو اسٹاک مارکیٹ آج مسلسل دوسرے دن گر کر بند ہوئی اور سینسیکس 60 ہزارپوائنٹ سے نیچے گر گیا۔ Stock Market Ends Lower
بی ایس ای کا تیس شیئروں والا حساس انڈیکس سینسیکس 60 ہزار پوائنٹس کی نفسیاتی سطح سے 566.09 پوائنٹس گر کر 59610.41 پوائنٹس پر اور نیشنل اسٹاک ایکسچینج (این ایس ای) کا نفٹی 149.75 پوائنٹس گر کر 17807.65 پوائنٹس پر آگیا۔ تاہم بڑی کمپنیوں کے برعکس، چھوٹی اور درمیانے درجے کی کمپنیوں میں خریداری سے مارکیٹ کو سہارا ملا۔ اس مدت کے دوران، بی ایس ای مڈ کیپ 0.41 فیصد بڑھ کر 25,175.79 پوائنٹس اورا سمال کیپ 0.38 فیصد بڑھ کر 29,695.94 پوائنٹس پر پہنچ گیا۔ Sensex Losses 566 pts, Nifty Around 17,800
اس دوران بی ایس ای کے 10 گروپس سرخ نشان پر رہے جبکہ باقی نو گروپس کے شیئر سبز نشان پر رہے۔ ہیلتھ کیئر 0.44، آئی ٹی 1.40، آٹو 0.33، بینکنگ 1.04، کنزیومر ڈیوریبلز 0.04، ریئلٹی 0.28 اور ٹیک گروپ کے شیئر 1.22 فیصد گرے۔ دوسری طرف، یوٹیلیٹیز گروپ 1.91 فیصد پر سب سے زیادہ فائدہ تیزی پر رہا۔
امریکی مرکزی بینک فیڈرل ریزرو کی گورنر لائل برینارڈ نے کہا کہ وہ اس سال کے آخر میں شرح سود میں اضافے کی توقع رکھتی ہیں تاکہ امریکی مالیاتی پالیسی کو "زیادہ غیر جانبدارانہ پوزیشن" پر لے جایا جا سکے۔ جس کی وجہ سے مایوس سرمایہ کاروں کی جانب سے فروخت عالمی بازار میں گراوٹ کا باعث بنی۔ اس دوران برطانیہ کا ایف ٹی ایس ای 0.44، جرمنی کا ڈی اے ایکس 1.30، جاپان کا نکی 1.58 اور ہانگ کانگ کا ہینگ سینگ 1.87 فیصد گر گیا۔ تاہم چین کا شنگھائی کمپوزٹ0.02 کے معمولی اضافے میں کامیاب رہا۔
مزید پڑھیں:
- مالی اہداف کو کیسے طے کریں اور ان میں کیسے کامیابی حاصل کریں
- Invest in Silver ETFs: کیا سلور ای ٹی ایف ایس میں سرمایہ کاری اچھا آپشن ہے؟
- Digital Gold Investment: کیا ڈیجیٹل گولڈ سرمایہ کاری ایک اچھا آپشن ہے؟ جانئیے ماہر کیا کہتے ہیں
- Better Investment Options in Stock Market: 'قرض لے کر اسٹاک مارکیٹ میں سرمایہ کاری کرنا درست نہیں'
یو این آئی
