حیدرآباد: جوانوں میں کچھ بھی کرنے کی طاقت ہوتی ہے۔ آمدنی کم ہونے کے باوجود نوجوانوں کو چاہیے کہ وہ مستقبل کو ذہن میں رکھتے ہوئے مالی منصوبہ بندی کرے۔ تب ہی طویل مدت میں دولت میں اضافہ متوقع ہے۔ بھارت نوجوانوں کا ملک کہلاتا ہے جہاں 35 برس سے کم عمر کی آبادی 65 فیصد ہے، لیکن رپورٹس اس جانب اشارہ کرتی ہیں کہ جب مالیاتی منصوبہ بندی کی بات آتی ہے تو ہم میں سے زیادہ تر افراد اس سلسلے میں لاپرواہی کا مظاہرہ کرتے ہیں۔ اچھی عادات کو جلد از جلد سیکھنا چاہیے، یہ تسلیم کیا جانا چاہیے کہ منی مینجمنٹ ان میں سے ایک ہے۔ ہم پڑھائی کے دوران اپنے والدین پر انحصار کرتے ہیں، لیکن ایک بار جب آپ کمانا شروع کر دیں، تو آپ کو کمائی کے ہر ایک روپیہ کو خرچ کرنے سے پہلے اچھی طرح سوچنا چاہیے۔
پہلی تنخواہ سے ففٹی ففٹی کے اصول پر عمل کرنا بہتر ہے۔ اپنی آمدنی کا 50 فیصد بچت کے لیے مختص کریں۔ اپنی آدھی تنخواہ پہلے خطرے سے پاک اسکیموں میں لگائیں۔ ایک بار جب آپ کو اپنے مالی اہداف اور سرمایہ کاری کی سمجھ ہو جائے، تو زیادہ ریٹر والی اسکیمیں پر غور کریں۔ اپنے مالی اہداف کو واضح رکھیں: سرمایہ کاری صرف اس صورت میں زیادہ دیر تک ممکن ہے جب اسے کسی خاص مقصد سے منسلک کیا جائے۔ ورنہ شروع کرنا اور درمیان میں چھوڑ دینا عادت بن جاتی ہے۔ لہذا مختصر اور طویل مدتی اہداف کو طے کریں۔ ان کو حاصل کرنے کے لیے مناسب سرمایہ کاری کا انتخاب کریں اور سرمایہ کاری شروع کریں۔ بہت سے لوگ ایسی اسکیموں کا انتخاب کو ترجیح دیتے ہیں جو ضرورت کے ساتھ نقد میں تبدیل ہوجاتی ہیں، یہ قلیل مدتی اہداف کے لیے بہترین ہیں۔
جو نوجوان ہیں ان پر خاندان کی اہم ذمہ داریاں نہیں ہوتی، لیکن کبھی آپ خاندان میں کی کمائی کرنے والے اہم افراد بن سکتے ہیں۔ ریٹائرڈ والدین اور بہن بھائی آپ پر انحصار کر سکتے ہیں۔ ایسے معاملات میں ان کی مالی مدد کے لیے انشورنس پالیسی لینا چاہیے۔ یہ مت بھولیں کہ یہ خاندان کے لیے ایک حفاظتی ڈھال کی طرح ہے۔ اگر آپ چھوٹی عمر میں انشورنس پالیسی لیتے ہیں تو پریمیم کم ہوگا۔ مالی منصوبہ بندی ایک دن میں نہیں کی جاتی۔ یہ اس بات کا تعین کرتا ہے کہ دستیاب وسائل کو کس حد تک موثر طریقے سے استعمال کیا جا رہا ہے۔ آپ کی شادی، بچے، تعلیم، دیگر ضروریات اور ریٹائرمنٹ ایک طویل المدتی وژن ہونا چاہیے۔ 30-40 سال کی کمائی اور اس میں سے کچھ بچت کرنا سب حساب کے مطابق ہونا چاہیے۔ اگر ضروری ہو تو اقتصادی ماہرین سے مشورہ لیں۔
سرمایہ کاری کے لیے منتخب کردہ اسکیموں میں تنوع ہونا چاہیے۔ ایسی اسکیموں کا انتخاب جو بہت زیادہ محفوظ ہوں یا جس میں بہت زیادہ خطرہ ہوں پورٹ فولیو بیلنس کو خراب کرسکتی ہے۔ سرمایہ کاری کے کھونے کا خطرہ اس وقت کم ہوتا ہے جب اس میں متنوع ہو۔ بدلتے ہوئے مالی حالات، ذمہ داریوں اور دیگر عوامل کی بنیاد پر وقتاً فوقتاً آپ کی مالی صحت کا جائزہ لینا چاہیے۔ مارکیٹ کی کارکردگی کی بنیاد پر اپنی سرمایہ کاری کا جائزہ لیں۔ باقاعدگی سے پورٹ فولیو پر نظر ثانی کریں۔
مزید پڑھیں:
