خبروں کے مطابق ریلائنس انڈسٹریز فیوچر گروپ کے ریٹیل اور لاجسٹکس کاروبار کو خریدنے کے سودے سے ہٹنے کا یہ فیصلہ فیوچر گروپ کے بینکوں کی جانب سے گروپ کے ریٹیل اسٹور، ویئر ہاؤسنگ اور لاجسٹکس کے کاروبار کو فروخت کرنے کی پیشکش کو مسترد کیے جانے کے بعد کیا ہے۔ Reliance calls off deal with Future
ریلائنس انڈسٹریز نے اگست 2020 میں فیوچر گروپ کے کاروبار کے تحویل کا اعلان کیا تھا۔ دونوں کے درمیان 24713 کروڑ روپے کا سودا ہواتھا Reliance Rs 24,731 crore deal with Future Retail۔ اس کے تحت ریلائنس گروپ کے ریلائنس ریٹیل وینچرس لمیٹڈ (آر آر وی ایل) کے ذریعے بیانی کی قیادت والے فیوچر گروپ کے ریٹیل اور دوسرے کاروبار کرنے والی کمپنیوں کا تحویل کیا جانا تھا۔
اس معاہدے پر فیوچر گروپ کے شیئر ہولڈرس اور اسے گارنٹی شدہ قرض دینے والے بینکوں کی ووٹنگ بدھ کو کروائی گئی تھی اور اس کے نتائج کا اعلان فیوچر ریٹیل نے جمعہ کو کیا۔
فیوچر ریٹیل نے شیئر مارکیٹ کو بتایا تھا کہ اسے قرض دینے والے 70 فیصد گارنٹی شدہ قرض دہندگان (بینکوں ) نے کاروبار ریلائنس گروپ کو فروخت کرنے کے منصوبے کے خلاف ووٹ دیا۔
فیوچر ریٹیل نے بازاروں کو کل بتایا تھا کہ اس کے 85.9 فیصد شیئر مارکیٹ ریلائنس کے ساتھ معاہدے کے حق میں تھے۔ اس نے یہ بھی بتایا کہ کل ملا کر اس کی کمپنیوں کے 78 فیصد شیئر ہولڈر اور بلا گارنٹی قرض دینے والے سودے کی حمایت میں رہے، لیکن اسے گارنٹی شدہ قرض دینے والے کم از کم 75 فیصد قرض دہندگان کی حمایت نہیں ملی، جو ضابطے کے مطابق سودے کی منظوری کے لیے ضروری تھا۔
ریلائنس نے ہفتے کے روز سیبی کے ضابطوں کے مطابق بازار کو دی گئی اطلاع میں کہا کہ فیوچر گروپ کی فیوچر ریٹیل لمیٹیڈ (ایف آر ایل) اور دیگر فہرست بند کمپنیوں نے سودے کے بارے میں ووٹنگ کے نتائج کی اطلاع جاری کر دی ہے۔ ان کے زیادہ تر گارنٹی شدہ قرض دہندگان نے اس سودے کےخلاف ووٹ دیا ہے، ایسے میں (فیوچر گروپ کے ساتھ اس کی) متلقہ منصوبے پر عمل درآمد نہیں ہو سکتا۔
فیوچر کو قرض دینے والے بینکوں میں بینک آف انڈیا، یونین بینک آف انڈیا، بینک آف بڑودہ، اسٹیٹ بینک آف انڈیا، انڈین بینک، سینٹرل بینک، ایکسس بینک اور آئی ڈی بی آئی بینک شامل ہیں۔
ماہرینِ قانون کے مطابق بینکوں کی جانب سے اکثریت کی بنیاد پر معاہدے کو مسترد کرنے کے بعد نیشنل کمپنی لا ء ٹربیونل (این سی ایل ٹی ) سے کلیئرنس حاصل کرنا مشکل تھا۔ غور طلب ہے کہ امریکہ کی ریٹیل کمپنی ایمیزون بھی فیوچر ریلائنس ڈیل کی قانونی طور پر مخالفت کر رہی تھی۔
مزید پڑھیں:
- ایمیزون کو جھٹکا، فیوچر ریلائنس خوردہ معاہدہ پر ریگولٹری فیصلہ کرے: دہلی ہائی کورٹ
- ریلائنس۔ فیوچر گروپ سودے کو سیبی کی منظوری
یو این آئی
