نئی دہلی: دیوالی سے قبل حکومت نے عوام کو بڑا تحفہ دیا ہے۔ حکومت نے سستی قیمت پر دالیں اور پیاز فراہم کرنے کا اعلان کیا ہے۔ صارفین کے امور کے محکمہ کے سکریٹری روہت کمار سنگھ نے میڈیا کو بتایا کہ مرکزی حکومت درآمد کنندگان، تحقیقی ایجنسیوں، تجارتی انجمنوں وغیرہ کے ساتھ مسلسل بات چیت کے ذریعے ضروری اشیاء کی پیداوار، درآمد، برآمد اور دستیابی پر گہری نظر رکھے ہوئے ہے۔ حکومت کا کہنا ہے کہ اس کے پاس مختلف قسم کی دالوں کے لیے 43.82 لاکھ ٹن بفر اسٹاک دستیاب ہے۔ Enough buffer stock of pulses
انہوں نے کہا کہ مرکز ضروری اشیاء کی پیداوار، درآمد، برآمد اور دستیابی پر گہری نظر رکھے ہوئے ہے۔ حکومت نے بیرون ملک سے ایک لاکھ ٹن تور اور 50 ہزار ٹن اُڑد کی خریداری شروع کر دی ہے۔ اسی طرح تور اور اُڑد کی درآمد کو اگلے مارچ تک 'فری زمرہ' میں رکھا گیا ہے۔ دال پر بنیادی درآمدی ڈیوٹی صفر رکھی گئی ہے۔ صارفین کے امور، خوراک اور عوامی تقسیم کی وزارت کے ایک بیان کے مطابق مرکز نے ربیع 2022 کی کٹائی کی مدت کے دوران 2.50 لاکھ ٹن پیاز کا بفر اسٹاک بنایا ہے۔
یہ بھی پڑھیں: Cabinet approves disposal of pulses کابینہ کمیٹی نے رعایتی نرخ پردالیں فراہم کرنے کی منظوری دی
اس وقت حکومت ہند کے پاس پی ایس ایف (پرائس اسٹیبلائزیشن فنڈ) اور پی ایس ایس (پرائس سپورٹ اسکیم) کے تحت مختلف دالوں کا 43.82 لاکھ ٹن بفر اسٹاک ہے۔ مختلف فلاحی اسکیموں کے تحت دستیاب اسٹاک سے، ریاستوں کو تقسیم کے لیے جاری کردہ قیمت سے 8 روپے فی کلو کی رعایتی قیمت پر ریاستوں/ مرکز کے زیر انتظام علاقوں کو چنا الاٹ کیا جا رہا ہے۔ صارفین کا محکمہ 22 اشیائے ضروریہ (اناج، دالیں، خوردنی تیل، سبزیاں اور دیگر) کی قیمتوں پر نظر رکھتا ہے۔
یواین آئی
