پالیسی بازار انشورنس بروکرز پرائیویٹ لمیٹیڈ Policybazaar Insurance Brokers Private Ltd کا مالکانہ حق رکھنے والی کمپنی پی بی فنٹیک نے اتوار کو کہا کہ کمپنی کا آئی ٹی سسٹم 19 جولائی کو ہیک ہو گیا تھا جس کے بعد اسے ٹھیک کرنے کے لیے ضروری اقدامات کیے گئے تھے۔ کمپنی نے 19 جولائی کو پالیسی بازار انشورنس بروکرز آئی ٹی سسٹم میں کچھ خرابیاں پائی تھیں جو کہ نیٹ ورک میں مداخلت کی ایک غیر مجاز سرگرمی تھی۔
ایک ریگولیٹری دستاویز میں انشورنس کمپنی نے کہا کہ 'اس سلسلے میں پالیسی بازار نے متعلقہ حکام سے رابطہ کیا ہے اور قانون کے مطابق کارروائی کی جا رہی ہے۔ خرابی کو دور کر دیا گیا ہے اور سسٹم کی مکمل چھان بین کی جا رہی ہے۔تاہم، ہم ایک تفصیلی جائزہ لینے کے عمل میں ہیں۔ اس دوران، جائزے سے پتہ چلا ہے کہ اس ہیکنگ کی وجہ سے کوئی بھی اہم کسٹمر ڈیٹا لیک نہیں ہوا ہے۔ پالیسی بازار نے ہمیشہ اپنے سسٹمز کی سلامتی اور سالمیت کو ترجیح دی ہے۔اور صارفین کے اہم ڈیٹا کی حفاظت کے لیے پرعزم ہے۔
انفارمیشن سکیورٹی ٹیم فی الحال بیرونی کنسلٹنٹس کے ساتھ معاملے کا جائزہ لے رہی ہے۔ پالیسی بازار ایک انشورنس بروکریج ہے اور اپنے پالیسی ہولڈرز کے بارے میں ان کے لین دین کی تفصیلات سمیت بہت سا ڈیٹا محفوظ کرتا ہے۔
