نئی دہلی: رواں برس اگست میں جی ایس ٹی کی وصولی میں 28 فیصد کا اضافہ ہوا اور یہ ایک اعشاریہ چار تین لاکھ کروڑروپے ہوگئی۔ گذشتہ برس اِس مہینے میں یہ ایک اعشاریہ ایک دو لاکھ کروڑ روپے تھی۔ GST mop up rises 28 per cent in Aug to Rs 1.43 lakh cr
وزارت خزانہ نے ایک بیان میں کہا کہ رواں برس اگست میں کل وصولی کا CGST چوبیس ہزار کروڑ روپے، SGST تقریباً 31 ہزار کروڑ، IGST، 77ہزار کروڑ اور محصول 10 ہزار کروڑ روپے سے زیادہ ہے۔ گذشتہ برس اسی مہینے کے دوران اِن ذرائع سے حاصل ہونے والے محصول کے مقابلے رواں برس اگست کے دوران اشیا کی درآمدات سے حاصل ہونے والا محصول 57 فیصد زیادہ اور خدمات کی درآمدات سمیت گھریلو لین دین سے حاصل ہونے والا محصول 19 فیصد زیادہ ہے۔
مسلسل چھ مہینے سے ماہانہ جی ایس ٹی ریونیو ایک اعشاریہ چار لاکھ کروڑ روپےسے زیادہ رہا ہے۔ اس سے صاف ظاہر ہوتا ہے کہ جی ایس ٹی کونسل کی جانب سے ماضی میںکئے گئے مختلف اقدامات کے نتیجے میں ایسا ہوا ہے۔
مزید پڑھیں:
