نئی دہلی: بینک آف بڑودہ (بینک) نے مہیلا سمان سیونگ سرٹیفکیٹ (ایم ایس ایس سی) اسکیم کے آغاز کا اعلان کیا، جو خواتین کے لیے حکومت کی مالی امداد سے چلنے والی اسکیم ہے یہ پہل مہیلا سمان سیونگ سرٹیفکیٹ ایک 2 سالہ ڈپازٹ اسکیم ہے، جو 7.5 فی صد سالانہ کی شرح سودیتی ہے مرکزی وزیر خزانہم حترمہ نرملا سیتا رمن نے مرکزی بجٹ 2023-24 میں خواتین اور لڑکیوں کے لیے ایک چھوٹی بچت اسکیم، مہیلا سمان سیونگ سرٹیفکیٹ کا اعلان کیا تھا۔ یہ اسکیم 31 مارچ 2025 تک دو سال کی مدت کے لیے نافذالعمل ہے۔ بینک آف بڑودہ نے اس اسکیم کو نئی دہلی کے بینک میں قبائلی امور کی مرکزی وزیر مملکت رینوکا سنگھ سروتا کے ہاتھوں شروع کیا۔ اس اسکیم کے تحت خود سرمایہ کاری کرنے والی محترمہ رینوکا سنگھ نے کہا کہ یہ حکومت کا ایک بڑا اقدام ہے۔ بینکوں کو چاہیے کہ وہ اس اسکیم کو فروغ دیں اور خواتین میں بیداری پیدا کریں۔
گاہک اور غیر گاہک دونوں ہی بینک آف بڑودہ میں مہیلا سمان سیونگ سرٹیفکیٹ اسکیم اکاؤنٹ کھول سکتے ہیں۔ تمام خواتین اکاؤنٹ کھولنے کی اہل ہیں، جسے سرپرست (عورت یا مرد) اپنے لیے یا نابالغ بچی کی طرف سے کھول سکتا ہے۔ اس اسکیم کے تحت ایک کھاتہ دارایک وقت میں یا 100روپے کے ضرب میں 1,000 روپے کی کم از کم جمع کے ساتھ 200,000 کی مجموعی ڈپازٹ کر سکتے ہیں۔ ایک شخص ایک سے زیادہ اکاؤنٹس کھول سکتا ہے لیکن موجودہ اکاؤنٹ اور دوسرا اکاؤنٹ کھولنے کے درمیان کم از کم تین ماہ کا وقفہ برقرار رکھنا ہوگا۔ سود سہ ماہی بنیادوں پر ادا کیا جائے گا اور مہیلا سمان سیونگ سرٹیفکیٹ اکاؤنٹ میں جمع کیا جائے گا۔ اکاؤنٹ ہولڈر یا قانونی سرپرست (نابالغ کی صورت میں) اکاؤنٹ کھولنے کی تاریخ سے ایک سال مکمل ہونے کے بعد اہل بیلنس کا 40فی صد تک جزوی نکال سکتے ہیں۔
یہ بھی پڑھیں: Kanti Velugu تلنگانہ میں گنٹی ویلوگو اسکیم سے کروڑوں لوگوں کو فائدہ
اس موقع پر بات کرتے ہوئے بینک آف بڑودہ کے ایگزیکٹو ڈائریکٹر اجے کے کھورانہ نے کہاکہ یہ مہیلا سمان سیونگ سرٹیفکیٹ (MSSC) اسکیم خاص طور پر خواتین کے لیے بنائی گئی ہے تاکہ ان کی سرمایہ کاری کی حوصلہ افزائی کی جا سکے۔ یقینی بنایا جائے۔ہمیں، بینک آف بڑودہ میں، ایم ایس ایس سی اسکیم متعارف کرواتے ہوئے خوشی ہو رہی ہے، جو ملک بھر میں ہماری تمام شاخوں پر دستیاب ہوگی۔ مہیلا سمان سیونگ سرٹیفکیٹتمام شعبہ ہائے زندگی سے تعلق رکھنے والی خواتین کو بااختیار بنائے گا اور بینک آف بڑودہ حکومت ہند کے اس اقدام کی حمایت کے لیے ملک بھر میں اپنی نمایاں موجودگی کا فائدہ اٹھائے گا۔ایم ایس ایس سی اکاؤنٹ کھولنے کے فارم بینک آف بڑودہ کی تمام شاخوں میں دستیاب ہیں۔خیال رہے کہ بینک آف بڑودہ ہندوستان کے پبلک سیکٹر کے سرکردہ بینکوں میں سے ایک ہے۔
یو این آئی
