ممبئی: ہندوستانی اسٹاک مارکیٹ بدھ کو گراوٹ کے ساتھ کھلا۔ جہاں سینسیکس 67,080 پوائنٹس سے شروع ہوا، وہیں نفٹی بھی پچھلے تجارتی سیشن کے مقابلے کم پر کھلا۔ نفٹی 0.56 فیصد کی گراوٹ کے ساتھ 19,980 پوائنٹس پر شروع ہوا۔ اس سے قبل پیر کو بھی اسٹاک مارکیٹ سرخ رنگ میں ٹریڈ کر رہی تھی۔ منگل کو گنیش چترتھی کے موقع پر اسٹاک مارکیٹ بند رہی۔
آج کے تجارتی سیشن میں، ایچ ڈی ایف سی بینک، اپولو ہسپتال، بی پی سی ایل، ہندولکا انڈسٹریز اور برٹانیہ انڈسٹریز جیسی کمپنیوں کے شیئر نفٹی پر خسارے میں ٹریڈ کر رہے ہیں۔ آئی سی آئی سی آئی بینک، سیپلا، ایل اینڈ ٹی، اڈانی انٹرپرائزز اور ایس بی آئی لائف انشورنس کے اسٹاک منافع میں ٹریڈ کر رہے ہیں جس میں این ٹی پی سی کمپنی سب سے زیادہ منافع حاصل کر رہی تھی۔ کمپنی کے شیئر میں 1.49 فیصد کے اضافے کے ساتھ کاروبار ہوا۔ ساتھ ہی ایچ ڈی ایف سی بینک سب سے زیادہ خسارے میں جانے والی کمپنی میں شامل تھا۔ کمپنی کے شیئر 3.02 فیصد یا 49.25 روپے کی کمی کے ہی وجہ سے کل 1579 روپے پر ٹریڈ کر رہے تھے۔
یہ بھی پڑھیں: Stock Market Fell اسٹاک مارکیٹ میں مسلسل دوسرے روز بھی گراوٹ
ایشین مارکیٹ کی بات کریں تو یہ بھی فی الوقت گراوٹ کا شکار ہے۔ جاپان کا نکی 0.36 فیصد نیچے ٹریڈ کر رہا ہے جب کہ ہانگ کانگ کا ہینگسن بھی 0.59 فیصد کے نقصان پر ٹریڈ کر رہا ہے۔ دنیا بھر کے سرمایہ کاروں کی نظریں امریکی فیڈرل ریزرو کے جاری اجلاس کے نتائج پر ہیں۔ اس کے ساتھ ہی فیصلے سے قبل ڈالر مضبوط اور روپیہ کمزور رہا۔ پیر کو، روپیہ ڈالر کے مقابلے 83.32 کی اپنی نئی زندگی بھر کی کم ترین سطح پر گر گیا تھا۔
