نئی دہلی: امبوجا سیمنٹ اور اے سی سی کے 6.5 بلین امریکی ڈالر کے حصول کے بعد، ارب پتی تاجر گوتم اڈانی نے کہاکہ ان کے گروپ نے سیمنٹ کی تیاری کی صلاحیت کو دوگنا کرنے اور ملک میں سب سے زیادہ منافع بخش صنعت کار بننے کا منصوبہ بنایا ہے۔ Adani to Become Most Profitable Cement Manufacturer
انہوں نے کہا کہ اقتصادی ترقی اور حکومت کی جانب سے بنیادی ڈھانچے کو مضبوط بنانے کی طرف قدم بڑھا نے کی وجہ سے بھارت میں سیمنٹ کی مانگ کئی گنا بڑھ جائے گی۔ اس کے نتیجے میں مارجن میں بھی نمایاں اضافہ ہوگا۔
اڈانی گروپ کے بانی اور چیئرمین نے 17 ستمبر کو حصول کی تکمیل پر ایک تقریب میں کہاکہ ان کا گروپ ایک ہی وقت میں ملک کا دوسرا سب سے بڑا سیمنٹ بنانے والا بن گیا ہے۔ اڈانی گروپ نے گزشتہ ہفتے دونوں کمپنیوں میں کے حصص کے حصول کو مکمل کیا۔ یہ معاہدہ چار ماہ میں مکمل ہوا۔
انہوں نے اپنی تقریر میں کہاکہ "اس کاروبار میں ہماری انٹری ایسے وقت میں ہوا ہے جب بھارت جدید دنیا میں سب سے بڑی اقتصادی ترقی کے لیے تیار ہے۔" سیمنٹ کے شعبے میں داخل ہونے کی وجوہات بتاتے ہوئے، اڈانی نے کہا کہ بھارت دنیا میں سیمنٹ کا دوسرا سب سے بڑا پروڈیوسر ہے، لیکن اس کی فی کس کھپت چین کے 1,600 کلوگرام کے مقابلے میں صرف 250 کلوگرام ہے۔ انہوں نے کہا کہ بھارت میں سیمنٹ کی کھپت میں زبردست اضافہ متوقع ہے۔
مزید پڑھیں:
