حکومت نے کہا ہے کہ غیر منظم سیکٹر کے مزدوروں کے مفادات کو مدنظر رکھتے ہوئے ایک 'ای شرمک پورٹل' تیار کیا گیا ہے E-Shram Portal، جس میں روزگار کے علاوہ مزدوروں کو فراہم کی جانے والی تمام سہولیات کی تفصیلات بھی موجود ہیں۔
پیر کے روز ایوان زیریں لوک سبھا میں ایک ضمنی سوال کے جواب میں وزیر محنت بھوپیندر یادو نے کہاکہ مزدوروں کو خصوصی اہمیت دیتے ہوئے ان کے مفاد کے لیے کئی اقدامات کیے گئے ہیں۔ مرکزی حکومت کی جانب سے غیر منظم شعبے کے مزدوروں کو خود انحصاری اسکیم کے تحت روزگار دیا جارہا ہے اور انہیں کس شعبے میں کتنا روزگار ملا ہے اس کا پورا حساب کتاب مرکزی حکومت کے پاس دستیاب ہے۔'
مرکزی وزیر نے کہا کہ غیر منظم شعبے کے مزدوروں کے فائدے کے لیے ’ای شرمک پورٹل‘ تیار کیا گیا ہے، جس میں 27 کروڑ کارکنوں نے رجسٹریشن کرایا ہے۔ حکومت نے صرف چھ ماہ میں یہ کارنامہ انجام دیا ہے۔ اس کام میں کامن سروس سینٹرز سے کافی تعاون مل رہا ہے۔
غیر منظم شعبے کے لیے مزدوروں کے لیے پنشن، صحت وغیرہ جیسی سہولیات کے لیے اقدامات کیے گئے ہیں۔
انہوں نے کہا کہ ای شرمک پورٹل میں ملک بھر کے کارکنوں کا اندراج کیا جانا چاہیے۔ اس میں حکومت کی طرف سے رجسٹرڈ ورکرز کو دو لاکھ روپے کا انشورنس کور بھی دیا جاتا ہے۔ ای پورٹل بنا کر مزدوروں کو باوقار زندگی گزارنے کا حق دیا گیا ہے۔ اس کے تحت نہ صرف مزدوروں کے روزگار کے اعداد و شمار موجود ہیں بلکہ ان میں سے کتنے افراد نے سرکاری سہولت سے فائدہ اٹھایا، اس کا مکمل اعداد و شمار بھی موجود ہے۔ اس میں غیر منظم شعبے کے مزدوروں کے لیے حکومت کی فلاحی اسکیموں کی تفصیلات بھی ہیں۔
مزید پڑھیں:
یو این آئی
