وزیر خزانہ نرملا سیتا رمن نے مالی برس 2021۔22 کے لیے آج بجٹ پیش کیا، حکومت نے مالی برس 2021-22 کے انکم ٹیکس سلیب میں کوئی تبدیلی نہیں کی ہے، لیکن 50 لاکھ روپے سے زائد کی آمدنی پر 10 سے 37 فیصد تک سرچارج لگانے کا اعلان کیا ہے جبکہ اور کچھ چیزوں پر ڈیوٹی کم کرنے کا فیصلہ کیا ہے۔
وزیر خزانہ نرملا سیتارمن کے بجٹ میں موبائل فون، چارجرز، آٹو پارٹس اور ریشم کی مصنوعات کی قیمتوں میں اضافہ ہوا ہے جبکہ سونے چاندی ، اسٹیل ، آئرن ، نائیلون کپڑا وغیرہ کی قیمتوں میں کمی آئی ہے۔ وزیر خزانہ نے سونے اور چاندی پر کسٹم ڈیوٹی کم کرنے کا عندیہ دیا ہے، اس سے ان کی قیمتیں کم ہوں گی، دوسری جانب موبائل کے کچھ حصوں پر کسٹم ڈیوٹی میں اضافہ ہوگا۔
حکومت نے عام بجٹ میں پیٹرول پر ڈھائی روپے اور ڈیزل پر چار روپے فی لیٹر کا نیا سرچارج لگانے کی تجویز رکھی ہے۔
وزیر خزانہ نرملا سیتارمن کی طرف سے پارلیمنٹ میں آج پیش فائنانس بل میں پیٹرول پر ڈھائی روپے اور ڈیزل پر چار روپے زرعی انفراسٹرکچر اور ڈیولپمنٹ سرچارج لگانے کی تجویز رکھی ہے۔ اس رقم کو زرعی انفراسٹرکچر اور دیگر ترقیاتی کاموں پر خرچ کیا جائے گا۔
آئیں جانتے ہیں عام بجٹ کے بعد کیا سستا ہونے والا ہے اور کیا مہنگا ہوگا:
| سستا | مہنگا |
| سونا چاندی | الیکٹرانک مصنوعات |
| اسٹیل | موبائل فون |
| لوہا | موبائل فون، چارجر |
| نائلون کا کپڑا | قیمتی پتھر( ہیرے جواہرات) |
| بیما | چمڑے کے جوتے |
| بجلی | درآمد آٹو پارٹس |
| اسٹیل کے برتن | ریشم کی مصنوعات |
| تانبے کا برتن | پیٹرول ڈیزل |
| سولر سیل |
