نیتی آیوگ اور اٹل انوویشن مشن نے مشترکہ قومی ترقیاتی پروگرام کے ساتھ مل کر جمعہ کو ’کمیونٹی انوویشن فیلوشپ‘ کا آغاز کیا۔Niti's Atal Innovation Mission
نیتی آیوگ کے ڈپٹی چیئرمین راجیو کمار نے یہاں کہا کہ فیلوشپ کو ایک ’پری انکیوبیشن ماڈل‘ کے طور پر تیار کیا گیا ہے تاکہ نوجوانوں کو اپنا کاروبار شروع کرنے کے قابل بنایا جا سکے جس میں کمیونٹی کے مسائل کو حل کرنے کے لیے پائیدار ترقی کے ہدف (ایس ڈی جی) پر توجہ مرکوز کرتے ہوئے اپنا کاروبار کھڑا کرنے کے مواقع فراہم کیے جائیں گے۔
مزید پڑھیں:Digital Banking: نیتی آیوگ نے’ ڈجیٹل بینکنگ‘ پر تجاویز طلب کی
انہوں نے بتایا کہ یہ فیلو شپ ایک سال کی ہوگی اور سبھی کے لیے دستیاب ہوگی۔
انہوں نے مزید کہا کہ ، ’یہ فیلوشپ ایک سال تک چلنے والا پروگرام ہے جس کا مقصد نوجوان اختراع کاروں، انوویٹرز کو ان کی انٹرپرینیورشپ میں ضروری بنیادی ڈھانچہ اور علم کی تعمیر فراہم کرنا ہے‘۔
یو این آئی
