دین بندھوچھوٹو رام سائنس اینڈ ٹکنالوجی یونیورسٹی کے الیکٹرانکس کے طالب علم اونیش چھکارا کو معروف کمپنی میں 67 لاکھ کا پیکیج ملا ہے۔
ڈی سی آر ایس ایس ٹی کے الیکٹرانکس انجینئرنگ کے طالب علم اونیش اصل میں کروڑی گاؤں کا رہنے والے ہے۔ اوینش کے والد کسان ہیں، لیکن کاشکاری کے ساتھ ساتھ وہ اہلخانہ کی پرورش کے لئے گاڑی بھی چلاتے ہیں ۔ یونیورسٹی میں داخلہ لینے کے بعد ان کے پاس فیس ادا کرنے کے پیسے نہیں تھے، اس دوران اونیش کے دادا جگبیر سنگھ نے مدد کی۔
اونیش نے اپنے مقصد کے حصول کے لئے سخت محنت کی اور اسے ایک نامور کمپنی میں انٹرنشپ کا موقع ملا۔ اونیش کو اپنی انٹرنشپ کے دوران ہر ماہ 2.40 لاکھ روپے کا پیکیج ملا۔ انیش کی انٹرنشپ آن لائن ہوئی ۔ سخت انتخابی عمل کے بعد اونیش کا سلیکشن مشہور ایمیزون کمپنی کے لئے ہوا۔ ایمیزون کمپنی اونیش کو 67 لاکھ کا پیکیج دے گی۔
مزید پڑھیں:DA Hike: مرکزی ملازمین کا ڈی اے 11 فیصد سے بڑھ کر 28 فیصد ہوا
وائس چانسلر پروفیسر راجیندر کمار نے کہا کہ اگر سخت نظم و ضبط میں رہ کر سخت محنت کی جائے تو ناممکن کو ممکن بنایا جا سکتا ہے۔ اونیش نے بین الاقوامی سطح پر یونیورسٹی کا نام روشن کیا ہے۔ انہوں نے کہا کہ امید ہے کہ یونیورسٹی کے وسائل کا بہتر استعمال کرتے ہوئے دوسرے طلباء بھی اونیش سے متاثر ہوکر اپنے مقاصد حاصل کریں گے۔
یو این آئی
