محنت اور روزگار کی مرکزی وزارت نے بتایا کہ اپریل سے لےکر 31 اگست تک ای پی ایف او نے پرویڈنٹ فنڈ اکاونٹ ہولڈروں کو 35 ہزار 445 کروڑ روپے کی ادائیگی کی ہے۔
ای پی ایف او نے اس مدت میں گذشتہ برس اسی مدت کے مقابلے 32 فیصد زیادہ دعوے نپٹائے ہیں۔ رقم کے سلسلہ میں اس میں 13 فیصد کا اضافہ ہوا ہے۔
حکومت نے کورونا وبا کے دوران اکاونٹ ہولڈروں کی مدد کرنے کے لیے پرویڈنٹ فنڈ سے خصوصی نکاسی کے انتظامات کیے گئے۔
یکم اپریل سے 31 اگست تک کی مدت میں نپٹائے گئے 55 فیصد دعوے اسی سے متعلق تھے۔ دعووں کو تیزی سے نپٹایا گیا اور کچھ دعوے تین دن کے اندر نپٹا دیے گئے۔
اس کے لیے ای پی ایف نے خصوصی اقدامات کیے تھے۔ اعداد و شمار کے مطابق رواں مالی برس میں اب تک پرویڈنٹ کی جزوی نکاسی میں 212 فیصد تک اضافہ درج کیا گیا ہے حالانکہ اسی مدت میں پرویڈنٹ فنڈ سے آخری نکاسی کے دعوؤں میں 35 فیصد کی کمی آئی ہے۔
