کانکنی شعبے کی سرکاری کمپنی کول انڈیا لمیٹڈ تریپورہ کی چائے کی صنعتوں کو کم از کم ایک لاکھ ٹن کوئلہ فراہم کرے گی۔
کمپنی کے افسروں نے آج یہاں یہ جانکاری دی کہ ریاست کی چائے صنعت کی توانائی کی مانگ کو پورا کرنے کے لئے کول انڈیا کم از کم ایک لاکھ ٹن کوئلہ فراہم کرے گی۔
ریاستی حکومت خود کفالت کے مقصد کے ساتھ ریاست کے صنعتی شعبے کی ترقی پر سنجیدگی سے کام کر رہی ہے۔ ریاست کے اہم صنعتی شعبے چائے صنعت اور اینٹوں کے بھٹے ہیں۔ چائے پروسیسنگ یونٹوں اور اینٹوں کے بھٹوں کو چلانے کے لئے بڑی مقدار میں کوئلے کی ضرورت ہوتی ہے۔ کول انڈیا اس صنعتی ترقی میں مدد کرنے کے لئے تیار ہے۔
واضح ر ہے کہ کورونا وائرس کے انفیکشن کی روک تھام کے مقصد سے نافذ کئے گئےلاک ڈاؤن سے پوری صنعت کوئلے کی سپلائی کی شدید قلت سے دوچار ہے۔
