جھارکھنڈ اسمبلی میں حزب اقتدار اور اپوزیشن کے اراکین نے آج ایک آواز میں اراکین اسمبلی کے فنڈز کو چار کروڑ روپے سے بڑھا کر دس کروڑ روپے کرنے کا مطالبہ کیا۔
اسمبلی میں وقفہ صفر شروع ہوتے ہی کانگریس کے اوماشنکر اکیلا، امبا پرساد اور نمن ویکسل کونگڑی، جھارکھنڈ مکتی مورچہ ( جے ایم ایم) کے متھراپرساد مہتو ، کمیونسٹ پارٹی آف انڈیا مارکسوادی لینن وادی ( سی پی آئی۔ مالے) کے ونود کمار سنگھ ، آزاد امت کمار یادو، آل انڈیا جھارکھنڈ اسٹو ڈنٹ یونین کے لمبودر مہتو اور بھارتیہ جنتا پارٹی ( بی جے پی) کے جے پی پٹیل ، کشن کمار داس ، اپرنا سین گپتا ، اندرجیت مہتو ، کیدار ہاجرا ، برنچی نارائن ، آلو ک کمار چورسیا اور نارائن داس نے ایم ایل اے فنڈ چار کروڑ روپے سے بڑھا کر 10 کروڑ روپے کرنے کا مطالبہ کیا۔
دوسری جانب بی جے پی کے ششی بھانومہتو نے اراکین اسمبلی کے فنڈز کو چار کروڑ سے بڑھا کر 15 کروڑ روپے کرنے کا مطالبہ کیا۔
