آج یہاں جاری ایک بیان میں یہ اطلاع دیتے ہوئے اے ڈی بی نے بتایا کہ اس قرض کو منظور کر لیا گیا ہے۔ اس منصوبے کو یہ قرض اگست 2020 سے مئی 2025 کے درمیان چار مراحل میں دیے جائیں گے۔ اس منصوبے کی کل لاگت 3.94 ارب ڈالر ہے، جس میں سے ہندوستانی حکومت 1.89 ارب ڈالر فراہم کرے گی۔ اس کے علاوہ ، اے ڈی بی کے انسداد غربت جاپان فنڈ 30 لاکھ ڈالر کی گرانٹ بھی فراہم کرے گا۔ یہ رقم معذور افراد کے لئے خصوصی سہولیات کی فراہمی کے لئے ہوگی۔
یہ 82 کلومیٹر ریپڈ ٹرانزٹ نیٹ ورک این سی آر ریجنل پلان 2021 کے تحت تین بنیادی ریل راہداریوں میں سے ایک ہے۔ اس منصوبے کے تحت ریلوے پٹریوں ، اسٹیشنوں ، رکھ رکھاو اور بجلی کی فراہمی کا بندوبست کیا جانا ہے۔ یہ جدید ترین ٹکنالوجی کی بنیاد پر تعمیر کیا جائے گا اور یہ ایک ملٹی ماڈل ہب ہوگا جہاں ٹرانسپورٹ کے متعدد طریقے بیک وقت دستیاب ہوں گے۔
