پڈوچیری کے وزیر اعلی این رنگاسوامی 26 اگست کو اسمبلی میں مالی برس 2021-2022 کا بجٹ پیش کریں گے۔
اسمبلی کے سیکرٹری آر۔ مونی سامی نے ایک نوٹیفکیشن جاری کیا ہے جس میں کہا گیا ہے کہ پڈوچیری قانون ساز اسمبلی سنہ 1963 کے ایڈمنسٹریٹر کے ضابطہ 7 کے مطابق، لیفٹیننٹ گورنر نے 26 اگست کی تاریخ کو مالی برس 2021-22 کے سالانہ بجٹ پیش کرنے کے لیے مقرر کی ہے۔
قابل ذکر ہے کہ اسمبلی کا بجٹ سیشن 26 اگست کو صبح 9.30 بجے لیفٹیننٹ گورنر کے خطاب سے شروع ہوگا اور صبح کے سیشن میں قانون ساز اسمبلی کے ڈپٹی اسپیکر کا انتخاب کیا جائے گا اور ریاست کے وزیر اعلیٰ اور وزیر خزانہ رنگاسوامی شام کو اسمبلی میں بجٹ پیش کریں گے۔
یو این آئی
