'امریکہ کے جی ایس پی ہٹانے سے بھارت کو نقصان نہیں'

مرکزی وزیر پیوش گوئل نے امریکہ کے ذریعہ کاروبار کے جنرل پراپرٹی سسٹم سے بھارت کو ہٹائے جانے پر کہا کہ یہ مضبوط معیشت کی دلیل ہے۔

انہوں نے کہا کہ امریکہ کے ذریعہ کاروبار کے جنرل پراپریٹی سسٹم (جی ایس پی) سے فائدہ اٹھانے والے ملکوں کی فہرست سے بھارت کو ہٹانا دراصل بھارتی معیشت کےمضبوط ہونے کی تصدیق ہے۔ جو ہمارے لیے باعث فخر ہے اور اس سے ملک کے کاروبار پر منفی اثر نہیں پڑے گا۔

انہوں نے لوک سبھا میں امریکی انتظامیہ کے 31مئی کو کیے گئے فیصلے کے سلسلے میں پوچھے گئے سوالوں کے جواب میں یہ بات کہی۔

انہوں نے ایک ضمنی سوال کے جواب میں کہا کہ امریکہ کے ذریعہ جی ایس پی سے فائدہ اٹھانے کی شکل میں بھارت کی رکنیت کو واپس لیے جانے سے ملک کے کاروباری منظر نامے پر کوئی اثر نہیں پڑے گا۔

انہوں نے کہا کہ 'جی ایس پی کا نظام تقریباً 45 سال قبل 1975میں شروع ہوا تھا جب امریکی انتظامیہ نے ترقی پذیر ملکوں کے کاروبار کو مدد دینے کے لیے یک طرفہ ترجیح دینے کی پہل کی تھی'۔

'یہ پہل کسی ایک ملک کے لیے نہیں بلکہ سبھی ترقی پذیر ملکوں کے لیے تھی'۔