آج ریاست بھر میں بنکرز یونین کی جانب سے ہڑتال کی کال دی گئی تھی، بنارس کے بنکروں نے بجلی کے نرخوں میں سبسڈی کا مطالبہ کرتے ہوئے مظاہرہ کیا۔
آج شہر کے پیلی کوٹھی، سرائے، مدن پورا للا پورہ، سونار پورا سمیت تمام علاقے کے بنکرز ہڑتال پر ہیں۔ ان کا کہنا ہے کہ جب حکومت کسانوں کو سبسڈی والے نرخ پر بجلی مہیا کررہی ہے، تو پھر بنکروں کو کیوں بجلی میں سبسڈی فراہم نہیں کررہی ہے؟
دراصل سنہ 2006 سے اب تک سستے نرخے پر مسلسل بنکروں کو بجلی مہیا کرائی جارہی تھی، لیکن اچانک حکومت نے قوانین کو تبدیل کردیا۔ اس کی وجہ سے اب بنکروں کو عام شرح پر بجلی مل رہی ہے۔ اس معاملے پر بنکروں کی یونین ریاست بھر میں ہڑتال پر ہیں۔
بنکروں کا کہنا ہے کہ یہ ہڑتال مسلسل 15 دن تک جاری رہے گی۔ روزانہ مظاہرے ہوں گے، تاکہ حکومت کی نیند ٹوٹے۔ ان کا کہنا ہے کہ' کورونا دور میں ہر کوئی پریشان ہے اور بجلی کی لاگت اور غیر ضروری آر سی کاٹنے کی وجہ سے بنکرز پریشان ہیں۔
