سنہ 2020۔21 کے لیے عام بجٹ جلاس کا آغاز 31 جنوری کو ہوگا جبکہ یکم فروری کو بجٹ پیش کیا جائے گا، پورا اجلاس تین اپریل تک جاری رہے گا۔
ذرائع کے مطابق کابینہ نے پارلیمنٹ بجٹ اجلاس 31 جنوری سے 3 اپریل تک دو مراحلے میں پیش کرنے کی تجویز دی ہے۔ بجٹ اجلاس کا پہلا مرحلہ 31 جنوری سے 11 فروری تک اور دوسرا مرحلہ 2 مارچ سے 3 اپریل تک جاری رہے گا۔
بجٹ اجلاس کے دوران تقریباً ایک ماہ کی تعطیل رکھی جاتی ہے، اس دوران مختلف وزارتوں، محکموں سے وابستہ پارلیمانی کمیٹی مختص بجٹ کا جائزہ لیتی ہے، جبکہ مرکزی کابینہ کی سفارش پر صدر جمہوریہ پارلیمنٹ کے دونوں ایوان کا اجلاس بھی طلب کرتے ہیں۔
واضح رہے کہ وزیر خزانہ نرملا سیتارمن مودی 2.0 کا دوسرا بجٹ یکم فروری کو پیش کریں گی۔ تجزیہ کار پرامید ہیں کہ معیشت میں مندی کے پیش نظر حکومت اس بجٹ میں معیشت کو دوبارہ پٹری پر لانے کے لیے اقدامات کا اعلان کر سکتی ہے۔
