امریکہ کے سابق صدر ڈونالڈ ٹرمپ کا دوبارہ صدر بننے کا خواب پورا نہ ہونے کے ساتھ 25 برسوں میں پہلی بار امریکہ کے 400 ارب پتی افراد کی فہرست میں بھی جگہ نہیں بنا سکے۔ حالانکہ سابق صدر ٹرمپ کا شمار امر ترین امریکیوں میں ہوتا ہے اور وہ ڈھائی ارب امریکی ڈالرز کے مساوی دولت کے مالک ہیں لیکن پھر بھی وہ رواں برس کی فوربس کی اس فہرست میں جگہ بنانے میں ناکام رہے جس میں 400 امیرترین امریکیوں کا نام شامل کیا جاتا ہے۔
فوبرس میگزین کی حال ہی میں جاری اس فہرست میں 25 برسوں میں پہلی بار ایسا ہوا جب ٹرمپ کا نام اس فہرست میں شامل نہیں کیا گیا۔ مگزین میں کہا گیا ہے کہ کورونا وبا کے دوران بھاری نقصانات کی وجہ سے ایسا ہوا ہے۔ مسٹر ٹرمپ کی مالیت ابھی 250 کروڑ ڈالر ہے اور اس فہرست میں برقرار رہنے کے لیے ان کی املاک 40 کروڑ ڈالر کم ہو گئی۔
اس میں کہا گیا ہے کہ سنہ 2016 میں جب مسٹر ٹرمپ امریکہ کے صدر بنے تھے، تب ان کے پاس قرض ہٹانے کے بعد 350 کروڑ ڈالر کی املاک تھی۔ وہ امریکہ کے مشہور رئیل اسٹیٹ بزنس مین ہیں۔
- مزید پڑھیں: فیس بک، واٹس ایپ، انسٹا گرام کی خدمات متاثر، مار زکربرگ کو 6.11 بلین ڈالر کا نقصان
- Pandora Papers: وہ دستاویزات جس نے عالمی رہنماؤں کی پوشیدہ دولت کو بے نقاب کردیا
سنہ 2020 میں ہونے والے صدارتی انتخابات میں انہیں شکست ہوئی تھی۔
(یو این آئی)
