وزیر خزانہ نرملا سیتارمن نے آج وزارت برائے جہاز رانی، روڈ ٹرانسپورٹ اینڈ ہائی ویز، وزارت رہائش وشہری امور، محکمہ دفاع و ٹیلی کام کے سکریٹریوں کے علاوہ ان وزارتوں سے ملحقہ سات عوامی کمپنیوں کے چیئرمین اور منیجنگ ڈائریکٹروں کے ساتھ رواں مالی سال میں تیسری بار سرمایہ کاری کا جائزہ لیا۔
کووڈ-19 کی وبا کے دوران معیشت کو رفتار دینے کے لیے وزیر خزانہ متعلقہ فریقوں کے ساتھ لگاتار میٹنگیں کرتی رہی ہیں۔
اجلاس میں بتایا گیا کہ ان سات عوامی اداروں نے رواں سال کے جولائی تک 24933 کروڑ روپئے کی سرمایہ کاری کی ہے، جبکہ گزشتہ مالی سال کی پہلی سہ ماہی میں 20172 کروڑ روپے کی سرمایہ کاری ہوئی تھی۔
رواں مالی سال میں ان سات اداروں کی سرمایہ کاری کا ہدف 129821 کروڑ ہے۔
مزید پڑھیں:
زر مبادلہ کے ذخائر 538.19 ارب ڈالر کے نئے ریکارڈ سطح پر
وزیر خزانہ نے متعلقہ سکریٹریوں سے کہا ہے کہ وہ ان اداروں کی کارکردگی کی نگرانی کریں اور رواں مالی سال کی دوسری سہ ماہی میں پچاس فیصد سرمایہ کاری کو یقینی بنائیں۔
