غیرملکی بازاروں کے ملے جلے رخ کے درمیان مقامی سطح پر توانائی، تیل و گیس، دھات اور کنزیومر ڈیوریبلس سمیت دیگر گروپوں میں ہوئی زبردست خریداری کی بدولت شیئر بازار نے آج مسلسل دوسرے دن نیا ریکارڈ بنایا۔
بی ایس ای کا تیس شیئروں والا انڈیکس سنسیکس 277.41 پوائنٹ کی چھلانگ لگاکر 58 ہزار پوائنٹ سے زیادہ 58,129.95 پوائنٹ اور نیشنل اسٹاک ایکسچنج (این ایس ای) کا نفٹی 87 پوائنٹ چڑھا کر ہمہ وقت بہترین سطح 17336.55پوائنٹ پر رہا۔
بڑی کمپنیوں کی طرح چھوٹی اور درمیانہ کمپنیوں کے شیئروں کے تئیں بھی سرمایہ کاروں نے زبردست جوش دکھایا۔ بی ایس ای کا مڈکیپ 0.35 فیصد کی تیزی کے ساتھ 24382.19 پوائنٹ اور اسمال کیپ 0.41 فیصد بڑھ کر 27305.31 پوائنٹ پر پہنچ گیا۔
بی ایس ای میں کل ملاکر 3338کمپنیوں کے شیئروں میں کاروبار ہوا جن میں سے 1726سبقت پر جبکہ 1473گراوٹ پر رہیں۔ حالانکہ اس دوران 139کمپنیوں کے شیئروں میں کوئی تبدیلی نہیں ہوئی۔
یو این آئی
