اقتصادی سرگرمیوں کی تیز رفتار کی وجہ سے معیشت میں سرمایہ کاروں کے بڑھتے ہوئے اعتماد کی بدولت محض دو دنوں میں ایک ہزار پوائنٹس بڑھ کر سینسیکس 62 ہزار پوائنٹس کی نئی بلندی پر پہنچ گیا تھا۔ لیکن سینسیکس منافع وصولی کا شکار ہونے کی وجہ سے بلندی پر ٹھہر نہیں پایا۔
بی ایس ای کا 30 حصص کا حساس انڈیکس سینسیکس منگل کو 62 ہزار پوائنٹس سے اوپر کھلا اور 62245.43 پوائنٹس کی آل ٹائم بلند سطح پر بھی پہنچ گیا، لیکن آخری وقت میں اونچی قیمت پر ہوئی منافع وصولی کی وجہ سے یہ 49.54 پوائنٹس پھسل کر 61716.05 پوائنٹس پر آگیا۔ نیشنل اسٹاک ایکسچینج (این ایس ای) کا نفٹی بھی 18.604.45 کی بلند ترین سطح پر چڑھنے کے بعد 58.30 پوائنٹس گر کر 18،418.75 پر آگیا۔
- مزید پڑھیں: ایس بی آئی اور اسٹینڈرڈ چارٹرڈ بینک پر 2.95 کروڑ جرمانہ
- Bird Farming: برڈ فارمنگ شوق بھی اور پیشہ بھی؟
سرکردہ کمپنیوں کے برعکس، چھوٹی اور درمیانی کمپنیوں میں منافع وصولی کا زیادہ دباؤ رہا۔ بی ایس ای مڈکیپ 533.85 پوائنٹس گر کر 26418.28 اور اسمال کیپ 538.20 کم ہوکر 29562.60 پر آگیا۔ بی ایس ای پر کل 3489 کمپنیوں کے حصص کا کاروبار ہوا، جن میں سے 2382 میں کمی اور 979 میں اضافہ ہوا۔ این ایس ای میں 34 کمپنیوں کے حصص گر ے جبکہ 16 چڑھ گئے۔
یو این آئی
