عالمی بازار میں ملے جلے رجحان کے درمیان مقامی گھریلو بازار میں پاور گرڈ، ایشین پینٹ، ایکسس بینک، بجاج آٹو، ایس بی آئی سمیت دیگر کمپنیوں میں ہوئی فروخت کے دباؤ کے باعث آج تیسرے دن شیئر بازار میں تقریباً نصف فیصد تک کی گراوٹ رہی۔
بی ایس ای کا 30 حصص کا حساس انڈیکس سینسیکس 286.91 گر کر 59126.36 پوائنٹس اور نیشنل اسٹاک ایکسچینج (این ایس ای) کا نفٹی 93.15 پوائنٹس کی کمی کے ساتھ 17618.15 پوائنٹس پر رہا۔ تاہم بڑی کمپنیوں کے مقابلے چھوٹی اور درمیانی کمپنیوں میں ہوئی خریداری نے مارکیٹ کو مزید گرنے سے بچایا۔ اس دوران بی ایس ای کا مڈکیپ 0.33 فیصد اضافے کے ساتھ 25253.09 پوائنٹس اور اسمال کیپ 0.56 اضافے کے ساتھ 28،081.74 پوائنٹس پر رہا۔
- مزید پڑھیں: بھارتیوں کے لیے بے روزگاری اور کووڈ سب سے بڑی تشویش کی وجہ: سروے
- 'تلنگانہ: تائیوان کی سرمایہ کاری کو خصوصی ترجیح دی جائے گی: تارک راما راؤ
- اقتصادی امور کی کابینہ کمیٹی کی میٹنگ میں کئی اہم فیصلے لیے گئے
بی ایس ای پر کل 3424 کمپنیوں کے حصص کا کاروبار ہوا جن میں سے 1842 عروج پر تھے، جبکہ 1432 گراوٹ پر تھے، جبکہ 150 میں کوئی تبدیلی نہیں ہوئی۔ اسی طرح این ایس ای پر 40 کمپنیوں کے حصص کے دام گر گئے جبکہ صرف نو میں تیزیرہی۔ بیرون ملک بازاروں میں ملا جلا رجحان رہا۔ برطانیہ کا ایف ٹی ایس ای 0.32 اور چین کا شنگھائی کمپوزٹ 0.90 فیصد، جرمنی کا ڈییکس 0.11، جاپان کا نکئی 0.31 اور ہانگ کانگ کا ہینگ سینگ 0.36 فیصد کمزور رہا۔
یو این آئی
