Sensex Crashes 2,702 Points: یوکرین پر روس کے حملے سے سرمایہ کاروں کے 13.42 لاکھ کروڑ ڈوب گئے

جنگ کے خدشے سے قبل ہی مارکیٹ کو دھچکا لگا اور جمعرات کو مارکیٹ کھلتے ہی شیئر بازار میں افراتفری مچ گئی۔ سینسیکس نے 13 سو سے زیادہ پوائنٹس کی زبردست گراوٹ کے ساتھ کاروبار شروع کیا۔ دن کے کاروبار میں سینسیکس 27 سو پوائنٹس سے زیادہ گر گیا۔ Sensex Crashes 2,702 Points

یوکرین پر روس کے حملے کی وجہ سے عالمی دباؤ کی وجہ سے آج گھریلو ایکویٹی مارکیٹ میں زبردست فروخت کے سبب سرمایہ کاروں کو 13.42 لاکھ کروڑ روپے کا نقصان ہوا۔

اس فروخت کی وجہ سے بی ایس ای کے 30 شیئروں والے حساس انڈیکس سینسیکس اور این ایس ای کے نفٹی میں 4.75 فیصد کی کمی واقع ہوئی۔ اس سے سرمایہ کاروں کو نقصان ہوا ہے۔

بی ایس ای کی مارکیٹ کیپٹلائزیشن کل 25566848.42 کروڑ روپے تھی، جو آج کی فروخت کے بعد 1342668.63 لاکھ کروڑ روپے کم ہو کر 24224179.79 کروڑ روپے رہ گئی۔ اس طرح سرمایہ کاروں کے 13.42 لاکھ کروڑ روپے ڈوب گئے۔

یو این آئی