ممبئی: عالمی سطح پر دنیا کی بڑی کرنسیوں کے مقابلہ ڈالر کی مضبوطی اور مقامی شیئر بازاروں میں زبردست فروخت کے دباؤ سے بین بینکاری کرنسی مارکیٹ میں جمعہ کے روز روپے 21 پیسے کی گراوٹ کے ساتھ 75.20 روپے فی ڈالر پر آگیا۔
گزشتہ سیشن میں بھارتی کرنسی روپے 74.99 روپے فی ڈالر رہا تھا۔
آج صبح کے کاروبار میں روپے 17 پیسے کی کمی کے ساتھ 75.16 روپے فی ڈالر پر کھلا۔ شروعاتی تجارت میں یہ بڑھ کر 75.12 روپے فی ڈالر کی بلند ترین سطح پر آگیا، لیکن اس کے بعد دباؤ میں یہ 75.33 روپے فی ڈالر کی سطح تک پھسل گیا۔ آخر میں یہ گزشتہ روز کے مقابلے میں 21 پیسے کی کمی سے 75.20 روپے فی ڈالر کی سطح پر بند ہوا۔
