فرید کوٹ: شمالی ریلوے 19 اکتوبر سے تہوار کے موسم میں سات جوڑی نئی خصوصی ٹرینیں چلائے گا۔
ریلوے ذرائع کے مطابق لوکمانیہ تلک ٹرمینس - ہریدوار اسپیشل اے سی ٹرین 15 اکتوبر سے شروع ہوگی۔ ہریدوار۔ لوکمانیہ تلک ٹرمینس اسپیشل اے سی ٹرین 16 اکتوبر کو ، باندرہ ٹرمینس۔ نظام الدین خصوصی یوتھ ایکسپریس 16 اکتوبر کو اور 17 اکتوبر کو نظام الدین سے باندرہ ٹرمینس تک شروع ہوگی۔
لوکمانیہ تلک ٹرمینس۔ لکھنؤ اسپیشل اے سی ٹرین17 اکتوبر کو اور لکھنؤ سے 18 اکتوبر کو لوکمانیہ تلک ٹرمینس کے لئے روانہ ہوگی۔ ناگپور۔ امرتسر خصوصی اے سی ایکسپریس 17 اکتوبر سے امرتسر کے لئے شروع ہوگی۔ امرتسر۔ ناگپور کے مابین خصوصی اے سی ایکسپریس 19 اکتوبر کو چلے گی۔
ذرائع کے مطابق یہ تمام ٹرینیں ہفتہ وار ہیں۔ وزارت ریلوے نے مسافروں کو کووڈ 19 سے متعلق حکومت کی تمام ہدایات اور دیگر احتیاطی تدابیر پر عمل کرنے کا مشورہ دیا ہے جن میں ٹرینوں اور ریلوے اسٹیشنوں پر سماجی فاصلہ اور صفائی ستھرائی وغیرہ کا خیال رکھنا شامل ہیں۔
