پٹرول اور ڈیزل کی قیمتیں مستحکم

پٹرول اور ڈیزل کی قیمتیں مسلسل دو دن تک بڑھنے کے بعد آج ریکارڈ سطح پر مستحکم رہیں۔

معروف آئل مارکیٹنگ کمپنی انڈین آئل کارپوریشن کے مطابق دہلی میں پیٹرول 96.12 روپے اور ڈیزل 86.98 روپے فی لیٹر پر مستحکم رہا۔

دہلی میں مئی مہینے کے دوران پیٹرول 3.83 روپے اور ڈیزل 4.42 روپے فی لیٹر مہنگا ہوا تھا۔ جون میں اب تک پیٹرول کی قیمت میں 1.89 روپے اور ڈیزل کی قیمت میں 1.83 روپے کا اضافہ ہوا ہے۔

دیگر شہروں میں بھی پیٹرول اور ڈیزل کی قیمتوں میں کوئی تبدیلی نہیں ہوئی ہے۔ ممبئی میں پیٹرول کی قیمت 102.30 روپے اور ڈیزل کی قیمت 94.39 روپے فی لیٹر ہے۔

چنئی میں پیٹرول 97.43 روپے اور ڈیزل 91.64 روپے فی لیٹر پر فروخت ہوا۔ کولکتہ میں پیٹرول 96.06 روپے اور ڈیزل 89.83 روپے میں فروخت ہو رہا۔

پیٹرول اور ڈیزل کی قیمتوں کا روزانہ جائزہ لیا جاتا ہے اور اسی بنیاد پر روزانہ صبح 6 بجے سے نئی قیمتیں لاگو ہوتی ہیں۔